ಬದುಕು ನೀ ವಿರಚಿತ
-ಡಾ.ಫ್ರೊ.ಅಭಿನಂದನ ಬಳ್ಳಾರಿ

ನಾ ಮೊದಲ ಹೆಜ್ಜೆ ಇಟ್ಟಾಗಲೂ ನೀನಿದ್ದೆ
ನೆಲದಲಿ ಅಲ್ಲಾಡುತ್ತ ನಡೆವಾಗ
ನೆರಳಿಲ್ಲದೆ ನೀ ನರಳಿದೆ
ನಿನ್ನ ಪ್ರೀತಿಯ ಸೂರಿನಲ್ಲಿ ನಾ ಅರಳಿದೆ
ನಿನ್ನ ಕಣ್ಣಿನ ಪ್ರೀತಿಯ ನೋಟ
ಮರೆಸಿತು ಜಗದ ಎಲ್ಲ ಜಂಜಾಟ
ನಾನು ಕೆಳಗುರುಳಿ ಕೇವಲನೆಂದು ಭಾವಿಸಿದಾಗ
ನಿನ್ನ ಕರುಣೆಯ ಬೆಳಕು ದಾರಿತೋರಿಸಿತಾಗ
ನೀನು ಆರೋಹಿಸಿದೆ ನನ್ನ ಈ ಮಟ್ಟಕ್ಕೆ
ಚಿರಋಣಿ ತಾಯಿ ಸದಾ ನಿನಗೆ ನೀ ಪಟ್ಟ ಕಷ್ಟಕ್ಕೆ
ನೀ ಕೊಟ್ಟದ್ದು ಪ್ರೋತ್ಸಾಹ , ಮಾರ್ಗದರ್ಶನ
ವಾತ್ಸಲ್ಯ ಕಾಳಜಿಗಳಿಗೆ , ನೀನೆ ನಿದರ್ಶನ
ಹುಟ್ಟಿದಾಗ ಎಲ್ಲ ಮಾರ್ಗಗಳಾಗಿದ್ದವೂ ಅಪರಿಚಿತ
ತಿಳಿದು ಸಫಲವಾಗಿಹೆನು ಈ ಬದುಕು ನೀ ವಿರಚಿತ